2- желтоқсан күні Лос-Ажелестегі «Staples Center» кешенінде үлкен бокс кеші өтеді. Кештің орталық матчында WBC нұсқасының аса ауыр салмақтағы чемпионы Деонтей Уайлдер мен өзіндік қолтаңбасымен танылған британдық боксшы Тайсон Фьюри жұдырықтасады, деп хабарлайды SportX.kz.
Екі боксшының жекпе-жегін күллі әлем бойынша миллиондаған спорт сүйер қауым асыға күтіп отыр десек артық айтқандық емес. Өйткені шаршы алаң төрінде бокстасу мәнерлері бір-біріне ұқсамайтын алып денелі ер жігіттер қолғап түйістрмек. Уайлдер нағыз ұрда-жық боксшы. Бокс тілімен айтқанда -панчер. Жойқын соққылары басты қаруы десек те, америкалық боксшы өзіндік ойын-өрнегімен де ерекшеленеді. Тайсон Фьюридің бітімі де ойын тәсілі де мүлдем басқаша. Оны соққысы жойқын боксшы деп айтуға келмес, бірақ оның бокстасу техникасы қарсыластары үшін өте ыңғайсыз. 2015-жылы украйналық Владимир Кличконы ұтқан Фьюри, сол бойы шаршы алаңнан көрінбей кеткен. Сол кездері депрессияға ұшыраған британдық есірткімен әуестеніп спорттан алыстап кетеді. Спорттық бабына келу үшін тынбастан алты ай бойы дайындалған Фьюридің шама-шарқын алдағы жекпе-жектен кейін білетін боламыз.
Лос-Анжелестегі бокс кеші 2-желтоқсан күні Астана уақыты бойынша сағат 08:00 басталады.
Бокс кешінің файткарды:
Деонтей Уайлдер — Тайсон Фьюри
( WBC титулы, аса ауыр салмақ);
Джарретт Херд — Джейсон Уэлборн
( WBA, IBF және IBO титулы, бірінші орта салмақ);
Марк Баррига — Карлос Ликона;
Луис Ортис — Трэвис Кауффман;
Джо Джойс — Джо Хэнкс;
Исаак Лав — Лукас Баез;
Крис Арреола — Маурензо Смит;
Джесси Родригес — Джоси Моралес;
Джулиан Уилльямс — Франсиско Кастро;
Марселлос Уайлдер — Дэвид Дэмор.