«Киокушинкай-кан каратэ»

Маусымның 16-17 күндері Астанада шығыстың осы бір жекпе-жек өнерінен Азия чемпионаты өткізілмек. Он екі елдің өрендері бақ сынауға ниет білдірген сары құрлық біріншілігі ,Астана қаласының 20 жылдық мерейтойына арналады, деп хабарлайды SportX.kz. 

Алдағы Азия чемпионатында тек Қазақстанның өзінен елуге тарта үміткер  өнер көрсетуге тілек білдіруі қуантарлық жәйт. Ал Астанаға келетін спортшылардың жалпы саны екі жүз елуге жетіп жығылады. Олардың арасында спорттың осы түріне ерекше мән беретін Үндістан, Қытай, Жапония, Ресей, Моңғолия, Иран және Тәжікстан секілді елдердің болашақ жұлдыздары бар. Чемпионатқа қатысушылар катэ және кумитэ жаттығулары бойынша Азия құрлығының жүлделерін сарапқа салады.

Жерлестеріміздің арасынан жекпе-жектің осы түрінен әлем бойынша үздік ондыққа кіретін Никита Гарасты атап кетуге болады.