Волейболдан еліміздің әйелдер құрама командасы жазғы Азия ойындарын сәтті бастады. Мәртебелі додадағы алғашқы матчта қазақ волейболшылары Қытайлық Тайбэйден басым түсті, деп хабарлайды SportX.kz.
Төрт партияға жалғасқан бәсеке — 25:5, 25:10, 20:25, 25:20 есебімен аяқталды. Келесі ойынды еліміздің бас командасы 21- тамыз күні Оңтүстік Кореяға қарсы өткізеді.
Су добынан Қазақстан әйелдер құрама командасы үш кездесу өткізіп үлгерді. Алғашқы ойында 13:4 есебімен Тайландты ойсырата ұтқанымен келесі күні 4:14 есебімен Қытайға есе жіберді. Дегенмен өз тобындағы үшінші кездесуде 22:2 есебімен Гонконгты тізе бүктірді. Қазақстандық су добы
шеберлері алдағы күндері Индонезия және Жапония құрама командаларымен кездеседі.