Журавель «Шахтерден» кетті 

Қарағандылық «Шахтердің» бас жаттықтырушысы Владимир Журавель қызметінен кетті, деп хабарлайды SportX.

Клубтың ресми сайтынан алынған хабарға қарағанда 47-жастағы белоруссиялық маманмен клуб басшылығы осындай шешімге тоқтаған. Әзірге команда тізгіні бас жаттықтырушының ассистенті Андрей Финонченкоға тапсырылыпты.

Журавельдің команда қосынан кететіндей-ақ жөні бар. Артта қалған 16-турдың нәтижесі бойынша «Шахтер» турнир кестесінде оныншы орында келеді. Соңғы мачтардағы көрсеткіштері тым төмен. Кеншілер соңғы сегіз кездесуде жеті рет ұтылып, тек бір матчта жеңіске жетіпті.