Жартылай финалдың жеребесі тартылды

Қазақстан кәсіпқой футбол лигасының штаб пәтерінде ел кубогы жолындағы жарыстың жартылай сынында өзара кездесетін командаларға қатысты жеребе тастау рәсімі өтті, деп хабарлайды SportX.kz.

Жеребе тарту рәсіміне  Қазақстан ұлттық құрамасының бас жаттықтырушысы Станимир Стойлов қатысты. Сонымен соқыр жеребе нәтижесі бойынша  ел кубогы үшін жартылай финалының бірінде,  әзірге ел кубогының иегері  деген атағы бар алматылық  «Қайратқа »  Павлодардың  «Ертісі» тап болды. Ал екінші жұпты  «Шахтер» — «Атырау» клубтары құрады.  Алғашқы бәсекелер 14- маусымға жоспарланса, қарымта матчтар 27- маусымда өтеді.