Жалғыз голмен алысқа бара алмаймыз-ау

«Астана» футболшылары Чемпиондар лигасының іріктеу раунды аясындағы алғашқы матчта 1:0 есебімен черногориялық «Сутьеску» клубынан басым түсті, деп хабарлайды  SportX.kz.

Матчты ширақ бастаған алаң иелері, реті келсе қарсы қақпадан саңлау іздеп бақты. Көпке дейін сыр бере қоймаған «Сутьескудің» қорғаныс шебі, кездесудің 29-минутында өз айып алаңында қателікке бой беріп алды.Төреші белгілеген он бір метрлік айып добын торға дөп түсірген Роман Мұртазаев, бүгінгі бәсекенің тағдырын шешкен жалғыз голдың авторы атанды. Қорытынды есеп-1:0.

Екі клуб арасындағы қарымта матч 18-шілде күні Черногорияда өтеді. Қос кездесудің нәтижесі бойынша жеңіске жеткен команда, екінші раундта даниялық «Мидтъюлланд» клубымен кездесетін болады.