Зарина Дияс «Ролан Гарростың» жеңімпазын жеңе алмады

Еліміздің бірінші ракеткасы Зарина Дияс Штутгарттағы дәстүрлі турнирдің екінші айналымында,«Ролан Гарростың» былтырғы жеңімпазы Елена Остапенкоға есе жіберді. SportX.kz.

Екі теннисші арасындағы ширек финалға жол ашатын бәсеке 2:0 есебімен латыш қызының пайдасына шешілді. Алғашқы сет 6:3 есебімен ұтқан Остапенко,келесі партияда біздің Заринаға бір де бір гейм бермей таза ұтты.

Германиядағы турнирдің негізгі додасына іріктеу бәсекелері нәтижесінде жолы түскен Дияс , алғашқы кездесуде неміс теннисшісі Карина Витхефті ұтқанын да айта кетейік.