Якоб Фульсанг тағы бір сатыға жоғарылады
Шабандоздар биылғы «Тур де Франстағы» ең күрделі таулы кезеңді артқа тастады. Әйгілі Альп д’Юэз асуындағы мәреге бірінші жеткен Герейнт Томас (Ұлыбритания, Sky) корольдік кезеңнің жеңімпазы атанды, деп хабарлайды SportX.kz.
Биылғы «Тур де Франста» аталмыш супервелододаның бірнеше дүркін чемпионы Крис Фрум, өзінің командалас әріптесі Герейнт Томның көлеңкесінен шыға алмай жүр. Бәлкім, бұл өзгелерді алдап соғу мақсатында жасалған командалық тактика болуы да мүмкін. Әйтпесе, екі серке өзара мықтыны анықтауға бел буған. Неде болса Sky клубының тактикасы әзірге іске асуда немесе Томас нағыз спорттық бабында дегенге саяды. Бірақ әліптің артын баққан жөн сияқты. Өйткені кімнің -кім екенін анықтайтын таулы кезеңдер енді ғана басталды.
Жол бойы басты үміткерлермен үзеңгі қағысып келген «Астананың» капитаны Фульсанг, соңғы асуда Томас бастаған топтан қара үзіп алды. Бірақ жігерлік танытқан шабандоз көп уақыт жоғалтқан жоқ. «Астананың» өкілі жеңімпазға бары-жоғы 0,42 сек ұтылды. Корольдік кезеңнің нәтижесі бойынша Фульсанг бір саты жоғарылап, генералдық тізімде 11-орынға табан тіреді.
«Тур де Франс»
12-кезең
Бур-Сен-Морис – Альп-д’Юэз
175,5 км
1. Герейнт Томас (Ұлыбритания, Sky) – 5.18,37
2. Том Дюмолен (Голландия, Sunweb) – 0,02
3. Ромен Барде (Франция, AG2R La Mondiale) – 0,03
4. Кристофер Фрум (Ұлыбритания, Sky) – 0,04
5. Микель Ланда (Испания, Movistar) – 0,07
6. Примож Роглич (Словения, LottoNL-Jumbo) – 0,13
7. Винченцо Нибали (Италия, Bahrain Merida) – сол уақыт
8. Якоб Фульсанг (Дания, «Астана») – 0,42
9. Найро Кинтана (Колумбия, Movistar) – 0,47
10. Стивен Крейсвик (Голландия, LottoNL-Jumbo) – 0,53…
Жалпы есеп
1. Герейнт Томас (Ұлыбритания, Sky) – 49.24,43
2. Кристофер Фрум (Ұлыбритания, Sky) – 1,39
3. Том Дюмолен (Голландия, Sunweb) – 1,50
4. Винченцо Нибали (Италия, Bahrain Merida) – 2,37
5. Примож Роглич (Словения, LottoNL-Jumbo) – 2,46
6. Ромен Барде (Франция, AG2R La Mondiale) – 3,07
7. Микель Ланда (Испания, Movistar) – 3,13
8. Стивен Крейсвик (Голландия, LottoNL-Jumbo) – 3,43
9. Найро Кинтана (Колумбия, Movistar) – 4,13
10. Дэниэл Мартин (Ирландия, UAE-Team Emirates) – 5,11
11. Якоб Фульсанг (Дания, «Астана») – 5,45
