WSB: Кімнің-кіммен жұдырықтасатыны белгілі

Бүгін Қытайдың Сямынь қаласында Бүкіләлемдік бокс сериясының чемпиондық атағы үшін «Астана арландары» мен «Куба домадорес» командалары алғашқы финалдық кездесулерін өткізеді, деп хабарлайды SportX.kz. 

Алдағы финалдық айқастар қыркүйектің 26-28 аралығында Сямынь және Цзинцзян қалаларында өтеді. Екі кездесуден тұратын матчтық бәсекенің нәтижесі бойынша жеңіске жеткені Дүниежүзілік бокс сериясының жеңімпазы атанады. Қос кездесудің нәтижесі тең көрсеткішпен аяқталған жағдайда, қосымша тағы бір жекпе-жек өткізіледі. Бұл бәсекеде 64 келі салмақ дәрежесіндегі боксшылар жұбы бақ сынайды.

Бүгінгі матчқа қатысатын боксшылар жұбы мынадай:

49 келі – Теміртас Жүсіпов vs Демиан Арсе Дуарте

56 келі – Ілияс Сулейменов vs Освел Кабальеро

64 келі – Ділмұрат Мижитов vs Энди Круз

75 келі – Әбілхан Аманкұл vs Ослейс Иглесиас

91 келі – Нұрбол Алтаев vs Эрисланди Савон

Бұған дейін екі команда өзара үш рет кездесіп, екі матчта қазақ боксшыларының мерейі үстем болған (2015 және 2017). Куба боксшылары  2014 және 2016 жылдары .WSB чемпионы атанды. Астанада өткен былтырғы финалдық бәсекеде жерлестеріміз кубалық қара маржандардан 6:5 есебімен алда болды.

Матчтық кездесудің тікелей көрсетілімін 26 және 28- қыркүйек күндері Астана уақыты бойынша сағат 17:00 «Хабар» телеканалы арқылы тамашалай аласыздар.