Вуэльта-2018: Никита мәреге екінші келді
Көпкүндік супервелодода «Вуэльтаның» төртінші кезеңінде «Астана» клубының шабандозы Никита Стальнов екінші нәтиже көрсетті, деп хабарлайды SportX.kz.
Отандық велоклубымыз «Астананың» құрамы негізінен деңгейі жоғары легионерлерден жасақталған. Негізгі яғни «Үлкен құрық» аясындағы гранд-турларға да соларды тартамыз. Сондықтан үлкен додаларға қатысатын отандық шабандоздар бірең-сараң ғана. Осы жағын ескерсек, жерлесіміз Никита Стальновтың «Вуэльтадағы» жеңісі біз үшін орны ерекше қуаныш.
Ә дегеннен пелотоннан суырылып алға кеткен топ ішінен табылған Никита, уақыт өте өзі шаубылға көшті. Оның екпініне бәрі бірдей төтеп бере алмады. Нәтижесінде Стальнов, Бен Кинг және Валлэйс үштігі тізе қосқан бойы мәреге тартып тұрды.
Көмбе алдындағы соңғы асуда Валлэйсті артқа тастаған Никита Стальнов пен Бен Кинг екеуден- екеу жарысқан бойы мәреге жақындай берді. Бірақ соңғы асу ауыр тиген болу керек, әбден болдырған жерлесіміз соңғы сәтте Бен Кингке жол беріп алды.
Генералдық тізім айтарлықтай өзгеріске ұшырай қойған жоқ. Лидердің қызыл жейдесін киген поляк шабандозы Михал Квятковски әзірге жалпы есепте көш бастап тұр. «Астананың» капитаны Мигель Анхель Лопес, төртінші кезеңнің қорытындысы бойынша генералдық тізімде 14-орынға көтерілді. Ал, «Астана» болса жалпы командалық есеп бойынша әзірге өзгелердің алдына шығып отыр.
«Вуэльта»
4- кезең
Велес-Малага – Альфакар, Сьерра де ла Альфагуара
161,4 км
1. Бен Кинг (США, Dimension Data) – 4.33,12
2. Никита Стальнов (Қазақстан, «Астана») – 0,02
3. Пьер Роллан (Франция, EF Education First-Drapac p/b Cannondale) – 0,13
4. Луис Анхель Мате (Испания, Cofidis) – 1,08
5. Бен Гастауэр (Люксембург, AG2R) – 1,39
6. Йелле Валлайс (Бельгия, Lotto Soudal) – 1,57
7. Оскар Кабедо (Испания, Burgos-BH) – 2,24
8. Саймон Йейтс (Великобритания, Mitchelton-Scott) – 2,48
9. Эмануэль Бухманн (Германия, BORA-hansgrohe) – 2,50
10. Мигель Анхель Лопес (Колумбия, «Астана») – 3,07..
Жалпы есеп
1. Михал Квятковски (Польша, Sky) – 13.47,19
2. Эмануэль Бухманн (Германия, BORA-hansgrohe) – 0,07
3. Саймон Йейтс (Ұлыбритания, Mitchelton-Scott) – 0,10
4. Алехандро Вальверде (Испания, Movistar) – 0,12
5. Вилко Кельдерман (Голландия, Sunweb) – 0,25
6. Йон Исагирре Инчаусти (Испания, Bahrain Merida) – 0,30
7. Тони Галлопен (Франция, AG2R La Mondiale) – 0,33
8. Найро Кинтана (Колумбия, Movistar) – …..
9. Стивен Крейсвик (Голландия, LottoNL-Jumbo) – 0,37…
12. Тибо Пино (Франция, Groupama-FDJ) – 0,43
13. Джордж Беннет (Аустралия, LottoNL-Jumbo) – 0,45
14. Мигель Анхель Лопес (Колумбия, «Астана») – 0,46
«Самұрық-Қазына» Ұлттық әл-ауқат қоры»
