Үндіні нокаутқа түсірді

Жерлесіміз Василий Левит ҚР Президенті кубогы жолындағы жарысты әдемі жеңіспен бастады. Олимпиадалық ойындардың күміс жүлдегері кездесудің екінші раундында үндістандық қарсыласы Санжит Санжитті нокаутқа жіберді,деп хабарлайды SportX.kz.

91 келіге дейінгі салмақ дәрежесінде өнер көрсететін Василий Левит 1/8 финалда Үндістанның осы категориядағы мықтысы Санжит Санжитпен қолғап түйістірді.Жерлесіміздің сол жақтан соққан ауыр соққысынан кейін аяғында тұрудан қалған үнді жігітін керілген арқан ұстап қалды. 8- маусым күні өтетін ширек финалда Василий Левит қытайлық  Ванг Жибаомен кездеседі.