«Тур де Франс»: Sky қарсы тұратын команда жоқ

Көпкүндік спервеложарыс «Тур де Франс» күн санап мәресіне жақындап келеді. Пиреней тауларында жалғасын тапқан гранд турдың 16- кезеңінде франциялық шабандоз Жулиан Алафилипп алда болды, деп хабарлайды SportX.kz.

«Астана» велоклубының капитаны Якоб Фульсанг Пиренейдегі таулы кезеңнің жарыс жолын, жалпы есеп  лидерлерімен қатар жүріп өтті. Бұдан шықты біздің лидер генералдық тізімдегі тоғызыншы орныннан жылжи қойған жоқ. Таулы кезеңдер басталғалы бері велоспорт жанкүйерлері  команда капитандарынан шабуыл күтіп жүргені рас. Бірақ сары жейде киген тур лидері Герейнт Томас пен Крис Фрумды жетекке алған Sky клубының шабандоздары басқаларға дес беретін түрі жоқ. Өзге командалар сапынан Sky-дың командалық тактикасына қарсы тұратын яғни ретін тауып алға ұмтылатын таулы жол серкелері әзірге көрінбей тұр. Бір сөзбен айтсақ, биылғы гранд турдың бас бәйгесінен үміктерлер  әлі күнге шейін Sky клубының қос лидері Томас пен Фрумның  көлеңкесінен шыға алмай келеді.

«Тур де Франс»

16-кезең 

Каркасон – Баньер-де-Люшон

218 км

1. Жюлиан Алафилипп (Франция, Quick-Step Floors) – 5.13,22
2. Горка Исагирре (Испания, Bahrain Merida) – 0,15
3. Адам Йейтс (Великобритания, Mitchelton-Scott) – то же время
4. Бауке Моллема (Голландия, Trek – Segafredo)
5. Доменико Поццовиво (Италия, Bahrain Merida) – 0,18
6. Роберт Гесинк (Голландия, LottoNL-Jumbo) – 0,37…

Жалпы есеп

1. Герейнт Томас (Великобритания, Sky) – 68.12,01
2. Кристофер Фрум (Великобритания, Sky) – 1,39
3. Том Дюмолен (Голландия, Sunweb) – 1,50
4. Примож Роглич (Словения, LottoNL-Jumbo) – 2,38
5. Ромен Барде (Франция, AG2R La Mondiale) – 3,21
6. Микель Ланда (Испания, Movistar) – 3,42
7. Стивен Крейсвик (Голландия, LottoNL-Jumbo) – 3,57
8. Найро Кинтана (Колумбия, Movistar) – 4,23
9. Якоб Фульсан (Дания, «Астана») – 6,14
10. Дэниэл Мартин (Ирландия, UAE-Team Emirates) – 6,54