Тағы бір әлем чемпионаты Ресейдің еншісіне тиіпті

Шайбалы хоккейден 2023-жылғы әлем чемпионаты Ресейдің Санкт-Петербор қаласында өтетін болыпты, деп хабарлайды SportX.kz.

Халықаралық хоккей федерациясының Мальта өткен кезекті конгрессінде осындай шешім қабылданған. Жалпы соңғы жылдары Ресейде ірі спорттық форумардар жиі өткізіліп жүр. Осы жақында ғана футболдан әлем чемпионатын қабылдаса, енді хоккей додасын өткізуге дайындықты бастайды. Оның үстіне үстіміздегі жылы Новосібір қаласында хоккейден жастар арасындағы әлем чемпионаты өтеді.

Санкт-Петербор үшін әлемдік хоккей біріншілігі таңсық емес. Бұған дейін мәртебелі форум Нева жағалауындағы қалада 2000 және 2016 жылдары өткізілген (Мәскеумен бірге).

Жалпы алғанда Ресей спорттың осы түрінен әлем чемпионатын осымен жетінші рет қабылдағалы отыр.