Стойлов шәкірттерінің айтуға «стоит»- жеңісі
Бас қаламыздағы «Астана Арена» стадионында өткен жолдастық матчта Қазақстан ұлттық құрамасы Әзербайжанды ірі есеппен ойсырата ұтты, деп хабарлайды SportX.kz.
Қазақ футболы емес қазақ футболының жанкүйерлеріне жаның ашиды. Қанша жылдар бойы қазақ футболының тілеуін тілеп жүрген футбол жанашырларының арманы көп.Олар -елімізде футбол спортының жоғары деңгейге көтеріліп,өзіміздің қара домалақтар арасынан шыққан жұлдыздармен мақтанғысы келеді. Бірақ,баяғы жартас-сол жартас.
Кешегі ойынға мәз болып, өткенді ұмытып кетпейік. Бұған дейін де ұлттық құрамамыздың сирек болса да жеңіске жеткен ойындарын көріп келдік. Бір ойындағы жеңістен кейін бөркін аспанға атып қуанғандар, соңынан бұл жеңістердің өткінші жаңбыр секілді жылт ете қалған сәт екенін түсінді.Қойшы, кеше Әзербайжанды жеңдік. Мейлі бұл жолдастық матч дейік, әйтседе Астанадағы ұтыс көңілімізге қуаныш ұялатты.
Ә дегеннен тізгінді қолға Стойловтың командасы,бакулік футболшыларды бірден жағадан алып, көп ұзамай есеп ашып алға шықты.13- минутта Бауыржан Исламханның алыстан әуелетіп жеткізген добын нысанаға дәл бағыттаған Роман Мұртазаев қонақтардың қақпашысын қапы қалдырып кете барды. Екінші гол да көп күттірген жоқ. Арада бір минут өткенде қонақтардың айып алаңына ентелей кірген Серікжан Мұжықов, Мұртазаев шығарып берген допты қақпаның алыс төменгі бұрышына дөп түсірді. Бұдан әрі алма-кезек шабуылға ұласқан ойын барысында, әзербайжан футболшылары реті келсе, таблодағы есепті өзгертуге күш салып бақты. Алайда бүгінгі матчқа нүкте қойған допты тағы да алаң иелері салып кетті. Кездесудің 90-минутында ойынға кейіннен қосылған Бахтияр Зайнутдиновтың орындауындағы гол сондай керемет шықты. Оның алыстан тепкен добына Әзербайжан құрамасының қақпашысы тосқауыл бола алмады.
Осы жылы бас командамыз Әзербайжанмен болған матчты қосып есептегенде үш жолдастық кездесу өткізіпті. Алдымен 2:3 есебімен Венгрияның алдын ораған Стойлов шәкірттері, келесі матчта 1:2 есебімен Болгария құрамасына жол беріп алды. Келесі ойынды еліміздің ұлттық құрамасы Грузиямен өткізеді. Ұлттық лига аясындағы бұл ойын 6-қыркүйекке жоспарланған.
:
