Шайбалы хоккей: Жастарымыз кіл мықтылар тобында

Шайбалы хоккейден Қазақстан жастар құрамасы әлем чемпионатындағы алғашқы матчын Финляндияға қарсы өткізеді, деп хабарлайды SportX.kz.

Еліміздің жастар құрамасы араға сегіз жыл салып элитаға қайта оралды. Үздік топқа қайта оралу оңай түскен жоқ. Сергей Старыгиннің шәкірттері бірінші дивизион аясындағы әлем чемпионатында Германия, Латвия, Венгрия, Аустрия және Францияны ұтып, көптен күткен жолдаманы қанжығаға байлаған.

Кіл мықтылар арасындағы әлем чемпионатында жерлестерімізге қарсы ойнайтын командалар белгілі. «В» тобынан табылған Қазақстан жастар құрамасы алғашқы ойынын 27-желтоқсан күні фин хоккейшілерімен өткізеді. Байқап қарасақ, біздің топтағы командалар бірінен-бірі өтеді.

Былтыр әлем чемпионатының күміс жүлдегері атанған Швецияның өзі не тұрады. Олардан Финляндия, Словакия және  АҚШ хоккейшілері де қалыса қоймас.

Қазақстан жастар құрамасының ойын кестесі:

27.12.18 — Финляндия — Қазақстан

28.12.18 — Қазақстан — АҚШ

30.12.18 — Қазақстан — Словакия

31.12.18 — Швеция — Қазақстан

02.01.19 — 1/4 финал

04.01.19 — жартылай финал

05.01.19 – финал