Серхио Рамосты жазаламайды 

«Ливерпульдің» белді ойыншысы  Мохамед Салахқа қарсы ойын тәртібін бұзған «Реалдың» қорғаушысы Серхио Рамосты, Еуропа футбол қауымдастықтарының одағы (УЕФА) жазаға тартпайтын болды, деп хабарлайды  SportX.kz. 

«Ливерпуль»-«Реал» арасындағы чемпиондар лигасының ақтық матчы,Мохамед Салах үшін кездесудуің 30-минутында аяқталды.Король клубының қорғаушысы кезекті бір ойын эпизодында Салахқа қарсы өрескел қателік жіберіп,нәтижесінде қатты жарақат алған египеттік футболшы алаңды тастап кете барды.

Егер төрешілер бригадасы қателікке бой алдырған жағдайда,УЕФА ережесіне сәйкес матч соңынан  кінәлі тарапқа санксия қолдануға болады. Бірақ осы оқиғаға қатысты мәлімдеме жасаған УЕФА өкілі, ешқандай өрескел қарекет орын алмағанын яғни Рамостың жазаға тартылмайтынын жеткізді.

Биылғы маусым 32 гол соққан Салах, Англия премьер лигасының  рекордын жаңартты.