Саясатов бәрін жеңді

Тайландта студенттер арасында муай-тайдан әлем чемпионаты аяқталды. Еліміздің студенттер командасы — бір алтын, қос күміс және төрт қола медаль еншіледі, деп хабарлайды SportX.kz.  

54 келі салмақ дәрежесінде қарсылас шыдатпаған Еламан Саясатов чемпионаттың ақтық сынында ұпай санымен ресейлік Асланбек Зикреевтен алда болды. Финалдық жекпе-жекте есе жіберген Бақытжан Әріпханов (51 келі) пен Ерқанат Оспан (60 келі) күміс медальды місе қылды. Ал Алмас Сәрсембеков (57 келі), Әбіл  Ғалиев (63,5 келі), Руслан Заякин (71 келі) және Илья Булавинцев (75 келі) тай елінен қола жүлдемен оралды.