«Сарыарқа»көш соңын алып келеді
Шайбалы хоккейден жоғары лиганың тұрақты чемпионатында кезекті турдың ойындары өтті, деп хабарлайды SportX.kz.
Қарағандының «Сарыарқасы» Чехов қаласында жергілікті «Звезда Чехов» клубынан ойсырай ұтылды. Алаң иелері соққан бес шайбаға қарағандылықтар тек бір голмен жауап қайтара алды. Еншісіне әлі бір ұпай тимеген «Сарыарқа» турнир кестесінде көш соңын алып келеді.
«Звезда Чехов» — «Сарыарқа» 5:1 (3:1, 1:0, 1:0)
Осы турда Мәскеу облысына жолы түскен Өскеменнің «Торпедосы» Воскресенскі қаласында жергілікті «Химикке» есе жіберді. Бұл матчтың негізгі және қосымша уақыты 1:1 есебімен аяқталып жеңімпазды анықтау үшін буллитке жүгінуге тура келді. Булиттер сериясында алаң иелерінің жолы болды.
15- қыркүйек күні «Торпедо» өз алаңында Ижевскінің «Ижстальін» қабылдайды.
«Химик» — «Торпедо» 2:1 Б (1:0, 0:0, 0:1, 0:0, 1:0)
