Ресейлік сарбаз қазақты жекпе-жекке шақырды
Fight Nights лигасының өкілі Владимир Егоян біздің Жұман Жұмабековті жекпе-жекке шақырды, деп хабарлайды SportX.kz.
Байқасаңыз соңғы кездері Fight Nights сарбаздар арасында бірін-бірі жекпе-жекке шақыру жиілеп бара жатқандай. Мұның алдында ММА өнерінің белгілі шебері, Азиядағы ең мәртебелі ONE FC лигасының чемпионы және Bushido FC (Лондон). Super Fight League (Индия). RUFF 11 12 13 (Қытай) турнирлерінің жеңімпазы Қуат Хамитов, армениялық Давид Хачатрянды жекпе-жек шақырған еді. Ешкім күтпеген жекпе-жекке армян файтері Хачатрянның nstagram желісі арқылы Қуатқа жолдаған сөзі түрткі болды. Онда: «Қуат, жылқыңды же де, сөйлей бермей жайыңа отыр!»і деген еді7 Сол екі арада «Найман» армян жігітін nstagram желісіндегі сөзі үшін жекпе-жекке шақырып, өзінің жеке парақшасында Fight Nights Global промоутерлік компаниясынан Хачатрянмен жекпе-жек ұйымдастыруын сұрап өтініш жасаған. Бір жағынан Хачатрян да бос сөйлеп отырған жоқ. Осының алдында армениялық файтер ирландиялдық Питер Куллиден нокаутпен ұтылған еді. Сол матч алдында «Найман» әлеуметтік желі арқылы жекпе-жекке қатысты өзінің ойын білдірген болатын. Дәл қазір бізге «Найман» мен Хачатрянан гөрі, Жұмабеков пен Егоянның дуэльі қызығырақ көрінеді. Өйткені бұл екеуі жақын арада октагон ішінде кездесіп қалуы ғажап емес.
Жұман мен Володя Fight Nights лигасында бақ сынап жүрген сарбаздар. Оның үстіне бір салмақта өнер көрсетеді. Халықаралық ұйым Fight Nights Global рейтинг кестесінде де бір-бірінен алыс кетпеген. Сөздің қысқасы тегі армениялық Владимир Егоян, 19- қазанда Мәскеуде өтетін кезекті турнирде Жұман Жұмабековпен төбелескенді қалайды.
» Қазандағы турнирде Жұман Жұмабековпен жекпе-жекке түскім келеді. Екеуміздің рейтингіміз де бірдей. Жұман өте шыдамды және соққы жасаудағы техникалық шеберлігі жоғары. Мен де одан қалыспаймын. Ендеше ендігі сөз Жұманның командасында».
Біздің қайсар жігіт қарап қалған жоқ. Келісімін бермек түгілі, жекпе-жекті кейінге созбай, тамыз айында өткізуге шақырды.Тамыз айының соңында Fight Nights кезекті турнирі Қазақстанда өтіп қалуы мүмкін. Жұманның Егоянды тамыз айындағы жарысқа шақырып отрырғаны да содан. Міне, сол турнир бағдарламасынан Жұман мен Владимирге де орын тиіп қалуы әбден ықтимал. Өз кезегінде турнир қожайындары үшін осындай алыстан айғайлап, ел-жұрттың назарын аударатын жекпе-жектер ұйымдастыру өте-мөте тиімді. Олай болса, қос қазақ пен қос армян арасындағы жекпе-жектерді спорт сүйер қауым асыға күтетін болады.
