Ресейге жолы түскен 32 команданың  құрамы түгел белгілі 

 Әлем чемпионатында өнер көрсететін 32 елдің ұлттық құрамалары, Ресейге баратын футболшылар тізімін жария етті. Тізімде әр команда сапында 23 футболшының есімдері көрсетілген, деп хабарлайды SportX.kz. 

Кейбір құрамалар команда сапына қатысты мәселені ертерек шешіп алса,  енді бірі Мәскеуге баратын үздік футболшыларын белгіленген мерзімнің соңғы күні жариялап отыр.Регламентке сәйкес футболшының бірі жарақат алып қалған күнде, ұлттық құрамадағы ойыншыларды алмастыруға рұқсат етілген. Бірақ мұндай жағдай турнирдегі алғашқы матчқа 24 сағат қалған дейін шешілуі тиіс.

Ресейдің еншісіне бұйырған мундиаль 14 маусым күні басталып,  шілденің 15 дейін жалғасады.Бақандай 11 қаланы қамтыған әлемдік чемпионат аясындағы матчтар заман талабына жауап беретін он екі стадионда өткізіледі.