Ресей құрамасы жеңіліп қалды

Екі аптадан кейін өз елінде жалауын көтеретін мундиальға әзірлік жасап жатқан Ресей ұлттық құрамасы Аустриямен өткен жолдастық матчта жеңіліс тапты, деп хабарлайды SportX.

Чемпионат алдындағы соңғы сынақты ресейлік футболшылар Инсбурктегі «Тиволи-Ной» стадионында  өткізді.  Бұл ойынның тағдырын алаң иелері соққан жалғыз доп шешіп кетті. Бір қызығы мардымды ойын өрнегін көрсете алмаған Ресейдің бас командасы, осы матчта алаң иелерінің  қақпасына тура бағытталған  бір доп  тебе алмай кетіпті. Өз кезегінде Игорь Акинфеев қорғаған қақпаны қайта-қайта нысанаға алған жергілікті футбол баһадүрлері, көп комбинацияның тек біреуін нәтижелі соққымен аяқтапты.

Кездесудің 28- минутында «Манчестер Юнайтедтің» шабуылшысы Марко Арнаутовичтен жеткен пасты қақпаға дәл бағыттаған Алессандро Шепф ойын тағдырын шекен жалғыз голдың авторы атанды.