ҚПЛ: «Ордабасы» оңалмай тұр

Футболдан Қазақстан Премьер лигасында 11- турдың нәтижелері белгілі болды. Бұған дейін де қатарынан екі рет сүрінген шымкенттік футбол баһадүрлері тағы да жеңіліс тапты. Бұл жолы олар өз алаңында 0:1 есебімен қостанайлық «Тобылға» есе жіберді. Матч тағдырын шешкен жалғыз допты кездесудің 20 минутында Бауыржан Тұрысбек соқты, деп хабарлайды SportX.kz.

Есесіне «Тобылдың» айдарынан жел есіп тұр. Қостанайлықтар мұның алдында «Қайрат» пен «Ертісті» қапы қалдырған еді. Осы турдың нәтижесі бойынша «Тобыл» үздік үштіктің қатарынан орын тепсе,»Ордабасы» 16 ұпаймен төртінші орында келеді.

Қалған ойындардың нәтижесі мынадай:

«Ертіс» — «Қызыл-Жар СК» 5:0 (3:0)

«Астана» — «Ақтөбе» 3:1 (2:1)

«Қайсар» — «Атырау» 0:0

«Ақжайық» — «Жетісу» 2:0 (0:0)

«Қайрат» — «Шахтер» 2:0 (1:0)