«Қайратқа»венгриялық футболшының көмегі қажет

Алматының «Қайраты» өзінің ресми сайтында Венгрия құрамасының шабуылшысы Мартон Эппельмен келісім шартқа отырғанын жариялады, деп хабарлайды  SportX.

Бір жарым жылға есептелген  келісім шарт, келешекте тағы бір жылға ұзартылуы мүмкін. Клуб пен футболшы әзірге осылай келіскен. Ел арасында кең танымал Transfermarkt басылымының мәліметіне сүйенсек, трансферлік құны 650 мың долларды құраған футбошы үшін «Қайрат»  500 мың евроны төлеп те үлгерген. 

Эппель- венгриялық МТК клубының түлегі.Сонымен қатар «Дунайварош», «Пакш» және англиялық «Олдхэм», голландиялық «НЕК » сияқты клубтардың намысын жыртқан. 2017 -жылы алғаш рет Венгрия ұлттық құрамасына алынып, содан бері  бас команда сапында бес ойын өткізген. «Қайраттың» алдында өз еліндегі ортаңқол клубтардың бірі «Гонвед» сапында 70 кездесу өткізіп,35 гол соққан.