«Ақтөбе» ел чемпионатының 14- турында 3:1 есебімен шымкенттік «Ордабасы» клубын қапы қалдырды, деп хабарлайды SportX.kz.

«Қобыланды Батыр» атындағы орталық стадионға жиналған футбол сүйер қауым, бүгінгі ойындағы алғашқы голды көп күтіп қалды. Үзіліске бірер минут қалғанда алаң иелері қақпасынан саңлау тапқан Жамбыл Джигаури қонақтарды алға шығарды. Екінші таймды ширақ бастаған ақтөбеліктер көп ұзамай есепті теңестіріп үлгерді. Үзілістен шыққан бойы алға ұмтылған алаң иелері сапында, Армения құрамасының футболшысы,тегі бразилиялық легионер Маркос Пизелли мергендік танытты.Араға бірнеше минут салып, бразилиялық Рейналдо таблодағы есепте алаң иелерін алға шығарды. Мұнымен тоқтамаған «Ақтөбе» кездесудің 73-минутында бүгінгі матчқа нүкте қойды. Бұл доп сербиялық аяқдоп шебері Милан Радиннің есебінде.

Осы жақында ғана «Ордабасының» тізгінін ұстаған Кахабер Цхададзе үшін дебюттік матч сәтсіз аяқталды. Шымкенттіктер премьер лиганың турнир кестесінде әзірге төртінші орында тұр.Олардың еншісінде он тоғыз ұпай. Ал, «Ақтөбе» он бір ұпаймен  көш соңын алып келе жатқан командалар қатарында.