Олжа салатын балуан шықпады

Грузия астанасында еркін және грек-рим  күресінен Вахтанг Балавадзе мен Гиви Картозия құрметіне арналған Гран-При турнирі өтті. Өкінішке орай жерлестеріміз Тбилисиден құр алақан қайтатын түрі бар, деп хабарлайды SportX.

Қос балуанымыздың қола медаль алатын мүмкіндігі болған еді. 61 келі салмақта белдескен еркін күрес шебері Әділ Оспанов қола жүлде үшін болған белдесуде армениялық Гарик Барсегяннан жеңіліп қалды. Грек-рим күресінен де жолымыз болмады. Қола медальға қол созған Илья Насточенко (97келі)  мақсаттың үдесінен шыға алмады. Илья жүлде үшін болған бәсекеде жергілікті балуан Георгий Мелиаға есе жіберді.

Ендігі үмітіміз Данияр Қайсанов (74 келі). Данияр бүгін қола медаль үшін күреседі.