Олимпиада чемпиондары жартылай сынға жете  алмады

Данияда шайбалы хоккейден  әлем чемпионаты  жалғасуда. Оңтүстік Кореяда өткен олимпиадалық ойындарда оза шауып бәйге алған Ресей құрамасы, ширек финалдық бәсекеде Канадаға жол берді. Тартысқа толы кездесу 5:4 есебімен аяқталды.

Ақтық сынға жол ашатын алдағы матчты канадалық хоккейшілер Швейцария құрамасына қарсы өткізеді. Екінші жартылай финалдық жұпты Швеция мен АҚШ құрады. Шведтер ең соңғы ширек финалдық бәсекеде 3:2 есебімен Латвиядан басым түсті.

Әлемдік доданың жартылай финалдық кездесулері 19 мамыр күні өтеді. Астана уақыты бойынша сағат19:15 Швеция-АҚШ, ал 23:15 Канада мен Швейцария күш сынасады.