Нұрзат пен Садриддиннің қарсыластары әзірге белгісіз

Екінші орта салмақта өнер көрсетіп жүрген қазақстандық кәсіпқой боксшы Нұрзат Сабыров (7-0, 6КО) кезекті жекпе-жегін 24- қарашада өткізеді, деп хабарлайды SportX.kz.

Жерлесіміздің қай күні жұдырықтасатыны белгілі болғанымен қарсыласы жайлы ақпарат жоқ. Нұрзат Сабыров қатысатын бокс кеші Канаданың Квебек провинциясындағы Римуски қаласында өтеді.

Квебектегі бокс кешінде тағы бір отандасымыз Садриддин Ахмедов (4-0, 4КО) өз өнерін ортаға салмақ. Садриддинің де кіммен қолғап түйістіретіні әзірге белгсіз.

Жеңілмеген қазақтар соңғы жекпе-жектерінде мексикалық боксшыларды тізерлеткенді. Нұрзат бауырымыз техникалық нокаутпен Гильермо Ромероны (12-7, 9КО), ал Садриддин болса Хесус Хавьер Мендосты (7-6-1, 6КО) мерзімінен бұрын рингтен қуып шыққан..