Моңғолия боз кілемінде өткен белдесулер

Улан-Баторда еркін және әйелдер күресінен халықаралық Mongolia Open турнирі жалауын түсірді. Қазақ балуандары айтулы жарыстан үш алтын, қос қола және бес қола медаль олжалап қайтты, деп хабарлайды SportX.kz.

Алғашқы жарыс күні  балуандарымыз ел қоржынына төрт жүлде салып берді.86 келіде бақ сынаған Әділет Даулымбаев пен 97 келіде белдескен Бақдәулет Әлментай тұғыр төріне көтерілді.Еркін күрес шеберлерінің жеңісті жолын күміспен күптелеген Саятбек Оқасов пен қола жүлде иеленген Данияр Қайсанов(74келі) жалғастырды.

Келесі күні де жерлестереміз намысты қолдан берген жоқ. 76 келі салмақта қарсылас шақ келтірмеген олимпиадалық ойындардың жүлдегері Эльмира Сыздықова алтыннан алқа тақты. 68 келі салмақ дәрежесінде өткен ақтық сында мүлт кеткен Жәмилә Бақбергенова күміс, ал Айгүл Нұралым (68 келі) мен Гүлмарал Еркебаеваға (69 келі) бұйырғаны қола жүлде.

Улан-Батордағы «Буянт-Ухаа» спорт кешенінде жайылған боз кілемде, ұзын-саны он екі елдің өкілдері күш сынасты. Жалпы командалық есептің нәтижесі бойынша Қазақстан үшінші орыннан табылса, Ресей екінші, ал жарыс қожайындары өзгелердің алдына шықты.