ММА: Корешков есінен танып қалды (ВИДЕО)

Сан-Хоседе (Калифорния штаты, АҚШ) әйгілі промоушен Bellator өзінің 206-турнирін өткізді. Кештің орталық бәсекесінде осы ұйым чемпиондары Гегард Мусаси (орта салмақ) мен Рори Макдональд (жартылай орта салмақ) күш сынасты, деп хабарлайды SportX.kz.

Алғашқы минуттардан-ақ Мусасидің басымдылығы көзге ұрынып тұрды. Кездесудің екінші раундында қарсыласын ауыр соққылардың астына алған Мусаси түбі нокаутпен ұтып кетті.

Осы кеш андеркартасында ұйымның экс-чемпионы ресейлік Андрей Корешков пен Дуглас Лима арасында Bellator Гран-Приінің ширек финалдық кездесуі өтті. Алғашқы раундта ресейлік сарбаз белсенділік танытқанымен одан әрі ойын тізгінін мықтап қолға алған Лима, жеңіске жетпей қоймады. Қарсыласы тарапынан жасалған қылқындыру әдісіне жауап қайтармаған яғни берілмеген Корешков нәтижесінде есінен танып қалды.

Рэмпейдж Джексон мен Вандерлей Силва арасындағы бәсекеде ұзаққа барған жоқ. Бұл кездесу техникалық нокаутпен Рэмпейдж Джексонның пайдасына шешілді.

Bellator 206. Сан-Хосе (Калифорния штаты, АҚШ)

Негізгі кард:

Гегард Мусаси— Рори Макдональд —   техникалық нокаутпен Мусаси жеңді
Рэмпейдж Джексон — Вандерлей Силва —  техникалық нокаутпен Джексон жеңді
Дуглас Лима — Андрей Корешков —  қылқындыруы әдісімен Лима ұтты
Аарон Пико — Леандро Хиго —  техникалық нокаутпен Пико  ұтты
Кери Мелендес — Дакота Циммерман — төрешілер шешімімен Мелендес жеңді
Гастон Боланьос — Исидро Гутьеррес —  техникалық нокаутпен Боланьос ұтты