Аралас жекпе-жектен еліміздегі танымал сарбаздардың бірі Бейбіт Назаров, өзінің кезекті жекпе-жегін 29-маусым күні Рафаэль Алвеске қарсы өткізеді, деп хаарлайды SportX.kz.

Titan FC 50 турнирі аясындағы жекпе-жек Форт-Лодердейл (АҚШ, Флорида штаты) қаласында өтеді. Спорттық кештің орталық матчында Рауш Манфио мен Сидни Аутлоу күш байқасады. Жалпы Бейбіт Назаров аралас жекпе-жектен 17 кездесу өткізіп, оның 15 жеңіске жеткен.Бұл жағынан бразилиялық сарбаз Рафаэль Алвестің жиған-терген тәжірибесі молырақ сияқты.Ол октагон ішінде 25 рет төбелесіп, соның 16 бәсекесінде  қарсыластарын тізе бүктірген.Осы промоушен аясындағы соңғы кездесуінде Алвес өзінің отандасы Гильермо Мирандодан басым түсіпті.

Әйгілі Ардақ Назаровтың туған бауыры Бейбіт болса,Titan FC төрінде екі кездесу өткізіп, оның екеуінде де қарсыластарына дес бермеген. Алдымен америкалық Алан Арзеноны, одан соң Демаркес Джексонды ұтқан.