Ломаченкоға WBO чемпиондық белбеуі керек емес

30 жастағы украйналық кәсіпқой боксшы Василий Ломаченко(11-1, 9 КО) ресми түрде  WBO тұжырымының екінші салмақ категориясындағы чемпиондық титулынан бас тартты , деп хабарлайды SportX.kz.    

Кезінде олимпиада алтынын олжалаған украйналық  боксшы , алдағы уақытта тек қана  жеңіл салмақ дәрежесінде өнер көрсетуге шешім қабылдапты. Бір жағынан әрі салмақта жылт еткенше , өзіне ыңғайлы және WBA тұжырымы бойынша әлем чемпионы атағын жеңіп алған жеңіл салмақ категориясына тоқтаған сыңайлы.

Ендігі жерде WBO тұжырымының екінші жартылай салмақ дәрежесіндегі титулдық жекпе-жегі, жапониялық  Масаюки Ито (23-1-1, 12 КО) мен  пуэрторикалық Кристофер Диас (23-0, 15 КО)  арасында өтіп  қалуы әбден мүмкін.

WBO тұжырымының осы категория бойынша чемпиондық белбеуін Ломаченко 2016 жылы ұтып алған еді. Сол жекпе-жекте пуэрториколық Роман Мартинесті нокаутқа жіберіп, одан кейін чемпиондық атағын төрт рет қорғап қалды.