КХЛ: «Барыстың» ойынын түнге қалдырыпты

Хоккей спортының жанкүйерлері «Автомобилист» пен «Барыс» арасындағы матчтың тікелей көрсетілімін тамашалай алмайды, деп хабарлайды SportX.kz.

Екі команда арасындағы Екатеринбургтегі матч бүгін Астана уақыты бойынша сағат 20:00 басталады. Қазақстан бойынша КХЛ ойындарын көрсетуге тек QazSport каналы құқылы. Отандық спорттық канал Qazaqstan телеканалымен бірге РТРК «Қазақстан» холдингіне кіреді.

Екатеринбургтегі матч басталған тұста, QazSport  каналы Ұлттық Лига аясындағы Қазақстан-Андорра матчының тікелей көрсетілімін таратады. Ал 22:15 Qazaqstan арнасы арқылы «Автомобилист» пен «Барыс» арасындағы кездесудің жазылып алынған нұсқасын тамашалай аласыздар.

Қазақстандық жанкүйерлері үшін Екатеринбургтегі матчтың өзіндік қызығы бар. Оралдық хоккейшілер биылғы маусымда жеңіліссіз келе жатыр. Екіншіден «Автомобилист» сапында «Барыстың» экс-капитаны Найджел Доус өнер көрсетеді. Бүгінгі бәсекеде Доус алғаш рет бұрынғы командасына қарсы ойнайтын болады. .

Бас демеуші -«Самұрық-Қазына» Ұлттық әл-ауқат қоры»