Інілері тең ойнады, ендігі кезек ағаларында
Матч ширақ басталғанымен көрерменді елең еткізе қоятын қауіпті сәттер көп бола қойған жоқ.Қазақ жастары реті келсе, қонақтарды қыспаққа алумен болды. Осындай бір ойын сәтінде,алаң иелері тарапынан кеткен қателікті голға асырған әзербайжандық футболшылар таблодағы есепте алға шықты.Бұл доптың авторы -Сертан Ташқын.Көпке дейін өз ойындарын таба алмаған біздің жастар,түбі есепті теңестірмей тынбады. Алаң иелерінің үстін-үстін жасаған шабуылдарының бірі 11-метрлік айып добына орындауға алып келді.Пенальти орындауда мүлт кетпеген Айбол Әбікен таразы басын теңестірді. Таблодағы осы нәтиже ойын соңына дейін өзгерген жоқ.
Бүгін жасыл алаңда олардың ағалары яғни екі елдің ұлттық құрама командалары кездеседі. Олардың ізін қуып келе жатқан інілері тең түсті, ал ағаларынан не күтеміз?
