Головкиннің»белбеуі» сарапқа түседі 

6-маусым күні Халықаралық бокс федерациясының (IBF) тыңдауында,жерлесіміз Головкинді чемпиондық белбеуінен айыру туралы шешім қабылданған еді.Көп кідірмеген IBF бос қалған чемпиондық белбеуге таласатын үміткерлердің есімдерін атады,деп хабарлайды SportX.kz.

Сонымен Головкиннен қалған белбеуге ұйымның рейтинг кестесінде бірінші және үшінші орындарға  жайғасқан украиналық Сергей Деревянченко (12-0, 10 КО) мен әлемнің экс- чемпионы, америкалық  Дэниэл Джейкобс (34-2, 29 KO) таласатын болады.

О баста Головкин осы нұсқа бойынша әлем чемпионы атағынан үмтікер Сергей Деревянченкомен жұдырық түйістіру керек болатын. IBF біздің жерлесімізден украйналық қарсыласымен арадағы кездесуге қатысты мерзімді 3-тамызға дейін анықтауын яғни келісуін талап еткен.Бірақ Головкиннің командасы 23-мамыр күні өткен тыңдауда бұл мерзіміді екінші рет ұзартуға өтініш жасайды.Бірақ IBF нұсқасының ережесі бойынша белбеу иегері кездесу мерзімін анықтауды тек бір рет пайдалануға құқылы.Нәтижесінде қарағандылық жігіт Халықаралық бокс кеңесі тұжырымының чемпиондық белбеуінен айырылып тынды.