Головкинге қарсы Каллум Смитті сайлап жатыр

Әлемнің орта салмақтағы экс-чемпионы, қазақстандық боксшы Геннадий Головкиннің қашан және кіммен жұдырықтасатыны белгілі. Бұл жөнінде спортшының промоутері Том Леффлер Behind The Gloves басылымына берген сұхбатында айтқан, деп хабарлайды SportX.kz.

Мексикалық Альвареспен арадағы қарымта бәсекеде жеңіліс тапқан жерлесіміз, сол жолы атақ -даңқынан түгел айырылып, шаршы алаңнан жұрдай болып шыққан еді. Қазақ боксының мақтанышына айналған әйгілі отандасымыздың шаршы алаңға қайта беттейтін күн алыс емес сияқты.Том Леффлердің айтуынша Головкин келесі кездесуін Ұлыбританияда өткізіп қалуы мүмкін. Қарсыласы да белгілі. Оның аты — Каллум Смит. Екінші орта салмақта өнер көрсетіп жүрген британиялық боксшы әлі күнге жеңілістің ащы дәмін татқан емес. Рекорд:25-0, 18 КО.