Головкин -Альварес : Рингтен тыс ойын қашанғы жалғасады  

Қазақстандық Геннадий Головкин мен мексикалық Сауль Альварес арасындағы қарымта матчтың өту-өтпеуі екіталай сияқты, деп хабарлайды америкалық БАҚ көздеріне сілтеме жасаған SportX.kz.

Мексикалық боксшының штабы15-қыркүйекке жоспарланған бәскеге қатысты келіссөздерді мүлдем тоқтатып тастаған.Мұндағы басты мәселе қаржыға келіп тірелген сияқты.Головкиннің командасы гонорарды тең бөлуге шақырса,қарсы жақ қаржының 65 пайызы Альварестің қалтасына түскенін қалайды.

Ақырында нәтижесіз келіссөздерден әбден мезі болған мексикалық боксшының менеджері Оскар Де Ла Хойя,қарымта кездесуді өткізуден мүлдем бас тартты.Мұнымен шектелмеген кезіндегі  «алтын бала» атанған әйгілі боксшы,осы екі арада Головкиннің бұрынғы қарсыласы Дэниэль Джейкобсқа, Альвареспен жұдырықтасуға ұсыныс жасап үлгеріпті. Альварес пен Джейкобс арасындағы жекпе-жекке қатысты ресми хабар жақын күндері жария етіледі.