Головкин-Альварес: Қарымта бәсекенің нақты уақыты белгілі

15 қыркүйек Лас-Вегастағы T-Mobile аренада үлкен бокс кеші өтеді. Кештің орталық матчында WBC, WBA (Super) және IBO чемпионы қазақстандық Геннадий Головкин (38-0-1, 34 КО) мен мексикалық Сауль «Канело» Альварес (49-1-2, 34 КО) өзара екінші рет күш сынасады. Осыған орай басты бәсекенің трансляциясы басталатын нақты уақыт белгіленді, деп хабарлайды SportX.kz.

ESPN Deportes ақпаратына сүйенсек, лас-Вегастағы  бокс кеші  жергілікті уақыт бойынша 14:00-де (Астана уақты бойынша 15-нен 16-шы қыркүйекке қараған түні сағат 03:00) басталады. Ал андеркарттың PPV-тарнсляциясы (ақылы көпрсетілім) 17:00 (Астана уақытымен 16 қыркүйек сағат 06:00-ге) белгіленген.

Басты жекпе-жектің кейіпкерлері шаршы алаңға жергілікті уақыт бойынша19:00-19:30 аралығында шығады. Ал жерлесіміздің жолына қараған алыстағы қазақстандықтар үшін орталық бәсеке көрсетілімі  16-қыркүйек күні сағат 08:00 -08:30 аралығында басталуы тиіс. Қашаннан бері ел-жұрттың аңсары ауып жүрген бітіспес қарсыластардың жекпе-жегін QazSport және Qazaqstan арналары арқылы тамашалай алатын болсыздар.

Бокс кешінде ұзын-саны сегіз жекпе- жек өтеді.  Солардың бірінде төрт салмақ категориясы бойынша әлемнің экс-чемпионы никарагуалық Роман Гонсалес (46-2, 38 КО) пен мексикалық Мойсес Фуэнтес (25-5-1, 14 КО) жұдырықтасса, IBF ұйымының бұрынғы чемпионы Давид Лемье (39-4, 33 КО)  ирландиялық Гэри О’Салливанды (28-2, 20 КО) сынаққа алады. Сондай-ақ WBO версиясының бірінші орта салмақтағы чемпионы мексикалық Хайме Мунгуйя (30-0, 25 КО) мен канадалық Брэндон Кук (20-1, 13 КО) кездеседі.