Фируза мен Мириам

Екі салмақ бойынша әлем чемпионы Фируза Шәріпова мен испаниялық Мириам Гутьеррес арасындағы жекпе-жек 8- қыркүйекке шегірілді, деп хабарлайды SportX.kz.

Алғашқы келісім бойынша бұл кездесу 4- тамыз күні Петерборда өтетін болған. Мириам Гутьеррес бұрын-соңды жеңілістің ащы дәмін татып көрмеген қас шебердің нағыз өзі.  Алдағы матчта үміткерлер өзара  WBO чемпиондық белбеуін сарапқа салатын болады.

Егер Фируза алдағы матчта жеңіске жететін болса, онда үш салмақ дәрежесі бойынша әлем чемпионы атағын иеленген тұңғыш қазақстандық боксшы атанады. Жерлесіміз бұған дейін 61,2 келі және 59 келі салмақ категориялары бойынша әлемнің үздік былғары қолғап шебері атанған.