Эвересті екі рет бағындырған қазақ

Планетамыздың ең биік нүктесі Эвересті осымен екінші рет бағындырған Мақсұт Жұмаев аман-есен елге оралды, деп хабарлайды  SportX.kz.

ҚР Қорғаныс министрлігі, Орталық армияшылар спорт клубының офицері Мақсұт Жұмаев, Эверест шыңына  алғаш рет 2017 жылы командалас әріптесі Василий Пивцовпен бірге шыққан еді.Жалпы Гималай тауындағы ең биік шың Эверестке (Джомолунгма) апаратын екі бағыт бар. Алғаш рет қазақстандық альпинистер әлемнің ең биік нүктесіне солтүстік беткей арқылы өрмелеп, бұлт басқан Гималай тауына көк байрағымызды қадады. Бұл жолы алматылық «Қар барысы » тау шыңына оңтүстік беткей арқылы жетелейтін күрделі бағытты таңдапты.18-мамыр күні   аспанмен таласқан Эверестің тқбесіне екінші рет аяқ басқан Мақсұт Жұмаев, өзінің  бұл жеңісін Астананың 20 жылдық мерейтойына арнады.

Мақсұттың бүгінгі ерлігіне ерекше бас ие отырып, сәті түсіп тұрғанда Эвересті алғаш бағындырған қазақ жігіті Қазбек Уәлиевтің де есімін  аатап кеткенді жөн көрдік.  Қазбек Шәкімұлы әріптесі В. Хрищатыймен бірге тұңғыш рет 1982 ж. жер бетіндегі ең биік  шың  Эвересті (Джомолунгма) бағындырды.