Еуропа футбол одағы (УЕФА) 2017/2018 жылғы Чемпиондар лигасының символикалық құрамын жариялады. Маусым қорытындысы бойынша іріктелген үздік футболшылар тізіміне он сегіз ойыншы еніпті, деп хабарлайды SportX.kz.
Әрине , бұл тізімде күні кеше мәртебелі лиганың ақтық сынында «Ливерпульден» басым түсіп, дәстүрлі турнирдің қатарынан үш дүркін чемпионы атанған мадридтік «Реалдың» футболшылары басымырақ. Бұған айтар дауымыз жоқ. Сонымен қатар король клубы чемпиондар лигасының кубогын осымен 13 -рет иеленіп отыр.
Енді УЕФА версиясы бойынша құрылған ЧЛ символикалық құрамымен таныс болыңыздар:
қақпашылар: Кейлор Навас («Реал»), Алисон Бекер («Рома»);
қорғаушылар: Йосуа Киммих («Бавария»), Серхио Рамос, Марсело, Рафаэль Варан (бәрі — «Реал»), Вирджил ван Дейк («Ливерпуль»), Джорджо Кьеллини («Ювентус»);
жартылай қорғаушылар: Кевин Де Брейне («Манчестер Сити»), Каземиро, Лука Модрич, Тони Кроос (бәрі — «Реал»), Хамес Родригес («Бавария»);
шабуылшылар: Эдин Джеко («Рома»), Роберто Фирмино, Мохамед Салах ( «Ливерпуль»), Лионель Месси («Барселона»), Криштиану Роналду («Реал»).