Ең тамаша голды Исаэль салды 

Қазақстан кәсіпқой футбол лигасына сілтеме жасаған SportX.kz ,»Қайраттың» жартылай қорғаушысы Исаэльдің «Атырауға» салған добы,12-турдың ең үздік голы деп танылғанын хабарлайды 

Сырт алаңда өткен матчтың 32-минутында есеп ашып алға шыққан алматылықтар, мұнымен шектелмей шабуылды одан әрі үдете түсті. Ал,Исаэльдің соққан бұл добы орындалуы жағынан сондай керемет болып шықты.Стандартты жағдайда допты еркіне көндірудің шебері болып алған Исаэль, бұл жолы тіптен ерекше гол соға алды.Оның бұрыштан шиіре тепкен добы Андрей Пасеченкоға қорғаған қақпадан бір-ақ табылды. Осындай тамаша гол соғылып, стадион толы көрермендерді бір желпінтіп тастаған Атыраудағы бәсеке 1:3 есебімен «Қайраттың» пайдасына шешілді.

Исаэль осы бір әдемі соғылған голы үшін 41 пайыз дауыс жинаса, өзінің әдемі голымен «Ертістің» қақпашысын жер сипатқан ақтөбелік футболшы Маркос Пиццели бұл номинацияда 33 дауыспен екінші орынды иеленді.