Екінші раундта сұлатып салды

Карсон қаласындағы StubHub Center аренада ( Калифорния штаты, АҚШ) өткен бокс кешінің орталық матчы көпке барған жоқ. Орта салмақ дәрежесінде қарсылас шыдатпай жүрген жерлесіміз Геннадий Головкин (37-0-1, 33 КО) бұл жолы америкалық Ванес Мартиросянды ((36-3-1, 21 КО) нокаутқа жіберді, деп хабарлайды SportX.kz.

Ә дегеннен ширақ қимылдаған Мартиросян реті келгенде Головкинге екі-үш соққысын дарыта алды. Сөйтсек, әліптің артын баққан қарағандылық майталман,сәтін күтіп жүрген екен. Екінші раундқа шыққан бойда Ванесті  соққының астына алған  Головкин, кезекті жеңісін нокаутпен аяқтады.