Данияр Кардиффке келді

 Қазақ боксының жұлдызы Данияр Елеусінов (2-0, 1 КО) 4-тамыз күні Кардиффте кәсіпқой бокстағы үшінші жекпе-жегін өткізеді. Уэльстің бас қаласына күні бұрын жетіп алған Даниярдың жекпе-жек алдындағы көңіл-күйі көтеріңікі, деп хабарлайды SportX.kz.

Кардифф шаршы алаңында Данияр Елеусінов венгриялық былғары қолғап шебері Габор Горбичпен (24-11, 14 КО) жұдырық түйістіреді.

Жалпы Данияр мен Габор бұдан бұрын кездесетін болған. Бірақ 6-маусымға жоспарланған Лондондағы бәсеке Горбичтің жарақат алуына байланысты өткізілмей қалды. Есесіне екінші бір венгр боксшысы Золтон Шабоны ұтқан Елеусінов, енді Габор Горбичтің өзін тізерлетуге дайын.

4- тамыз күні Кардиффтегі  Ice Arena Wales (Уэльс) спорт кешенінде өтетін Елеусінов- Горбич жекпе-жегі алты раундтық форматқа есептелген.