Челси» «Ювентустің » шотына 60 млн евро құяды

«Ювентустің» шабуылшысы Гонсало Игуайн спорттық карьерасын «Челси» сапында жалғастырады, деп хабарлайды SportX.

«Челсидің» аргентиналық футболшыға көз тігіп жүргеніне біраз болып қалды. Енді міне, екі жақ өзара келісімге келген сыңайлы. Футболшының трансферлік құны 60 млн евроны құрапты. Игуайнды «Челсиге» аттандырған италиялық клуб, «Реалдың» лидері Криштиану Роналудан дәмелі. Португалиялық футболшыны команда  сапынан көру үшін  «Ювентус» 100 млн евро санап беруге әзір. Игуайннен түскен қаржы да осы мақсатта жұмсалатын сияқты.

«Ювентус» қосында өткізген екі жыл ішінде Гонсало Игуайн 105 кездесуге қатысып, 55 рет мергендікпен көзге түскен.