Әйгілі Уэмблиде өткен ұлттық кубоктың ақтық сынында лондондық «Челси» мен » Манчестер Юнайтед» кездесті. Тартысқа толы матчтағы жалғыз гол, пенальтиден соғылды. Төреші тағайындаған он бір метрлік айып добын торға дөп түсірген Эден Азар өз командасына жеңіс сыйлады, деп хабарлайды  SportX.kz.

Сылбыр басталған матч уақыт өте  ширай түсті. Контенің шәкірттері допты  көбірек ұстағанымен, қарсы қақпаға айтарлықтай қауіп төндіре қойған жоқ. Дегенмен кезекті  эпизодтардың бірінде ойын тәртібі бұзылғанын анықтаған  төреші «Манчестер-Юнайтедтің» қақпасына он бір метрлік айып добын белгіледі.Кездесудің 20-минутында соғылған осы голдан кейін  алаңдағы тартыс шиеленісе түскенімен  таблодағы есеп ойын соңына дейін өзгеріссіз қалды. Не керек Антонио Конте биылғы маусым жүлдесіз қалған жоқ. Бірақ италиялық маман үшін бүгінгі жеңістің  бағасы қалай болмақ? Бас бапкер  «Челси» қосында  қала ма, жоқ па ол жағы уақыттың еншісінде.

Челси — Манчестер Юнайтед 1:0
Гол: Азар, 22 (пенальтиден)

Челси: Куртуа — Аспиликуэта, Кэхилл, Рюдигер — Мозес, Фабрегас, Канте, Бакайоко, Алонсо — Азар (Виллиан, 90+1), Жиру (Мората, 89)

Манчестер Юнайтед: Де Хеа — Валенсия, Джонс (Мата, 87), Смоллинг, Янг — Эррера, Матич — Лингард (Мартиаль, 73), Погба, Санчес — Рашфорд (Лукаку, 73)