Боксшы жиеніміз әзірге жарап тұр 

Жеңілістің ащы дәмін татпаған аса ауыр салмақтағы кәсіпқой боксшымыз Жан Кособуцкий, кезекті жеңісіне қол жеткізді, деп хабарлайды SportX.kz. 

Жан Кособуцкий (6-0, 6 КО) Киевте өткен бокс кешінде грузиялық Ираклий Гвентадзеге дес бермеді. Осы кештегі орталық бәсекеде Украйналық Артем Далакян мен тайландтық Сиричай Тайен кездескен болатын.  Киевтегі шоудың андеркартасында грузинді сынаққа алған жерлесіміз, аса тер төкпей-ақ жеңіске жетті. Екінші раундтың басында Тбилисиден келген былғары қолғап шебері бәсекені одан әрі жалғастырудан бас тартты. Нәтижесінде техникалық нокаутпен жеңген Жан Кособуцкий, кәсіпқой бокста алты кездесу өткізіп, оның бәрін мерзімінен бұрын аяқтап отыр.