Бейбіт Шүменовтің бокс кешінде өнер көрсететін жерлестеріміз белгілі 

Араға уақыт салып үлкен спортқа қайта оралған қазақтың кәсіпқой бокстағы атақты боксшыларының бірі Бейбіт Шүменов, 7-шілде күні Астана жұртшылығы алдында  WBA белбеуі үшін түрік Хизни Алтукаймен қолғап түйістіреді. Осы кештің андеркартасында қазақстандық тоғыз боксшы ринг төріне көтеріледі, деп хабарлайды  SportX.kz.

Көрермендер кештің орталық матчында Шүменов пен Хизни Алтукай арасында өтетін Бүкіләлемдік бокс қауымдастығының (WBA) чемпиондық атағы жолындағы жекпе-жекке куә болады. Астанадағы бокс мерекесі көрерменнің көңілінен шығу үшін ұйымдастырушылар, орталық кездесу алдындағы бәсекелердің қызықты өтуіне яғни сынға түсетін боксшылар құрамына аса мән берген. Өйткені Астана шаршы алаңында өздеріңіз жанкүйер болып жүрген қазақ боксының мақтаныштары Арман Рысбек, Айдын Елжанов,Миржан Рахымжанов, Айдос Ербосынұлы, Уәлихан Бейсенқұлов, Еділ Қожамбердиев, Ибрагим Ескендір және Әли Балоев сынды саңлақтар өнер көрсетеді.