Батырханның командасы Токиодан бос қайтпады

Жапония астанасы Токиода каратэ жекпе-жегінен дәстүрлі «Дрим Кап» турнирі мәресіне жетті. Күншығыс еліндегі халықаралық жарыстан қазақ спортшылары олжалы оралды, деп хабарлайды SportX.

Биылғы турнирде отыз елден үш мыңға жуық үміткерлер өзара бақ сынасыпты. Батырхан Сарманов бастап барған Қазақстан құрамасы сапында, астаналық Серікбол Қырықбаев ерекше көзге түсіп, байрақты доданың жеңімпазы атанды. Қызық болғанда  мәртебелі доданың ақтық сынында Серікбол, өзінің командалас әріптесі  Дарханнан басым түсті. Сонша елдің спортшылары жиналған турнирдің финалында қос қазақтың өнер көрсеткені біз үшін  мақтаныш. Серікбол ересектер арасында топ жарса, жастар бәсекесінде сынға түскен Айдын Нүұрбосыновтың еншісінде күміс жүлде.