5- маусым күні «Астана-Арена» стадионында Қзақстан мен Әзербайжан ұлттық құрама командалары өзара жолдастық кездесу өткізеді.Алдағы матчқа дайындық аясында қырғыз футболшыларын қабылдаған Әзербайжан құрамасы қонақтар қақпасына жауапсыз үш гол тоғытты, деп хабарлайды SportX.kz.

Бакудегі алғашқы голды кездесудің 17- минутында Максим Медведев салды. Осы голдан кейін ептеп есін жиған қырғыздар матчтың 75 минутына дейін алаң иелерінің қарқынды шабуылдарына тойтарыс бере алды. Бірақ кезекті бір шабуыл сәтінде өз мүмкіндігін бос жібермеген Махир Мадатов есепті ұлғайтса, бүгінгі матчқа нүкте қойған допты  Урфан Аббасов соқты.

Әзербайжан ұлттық құрамасының тізгінін жақында ұстаған бас бапкер Гурбан Гурбанов үшін Қырғызстанмен өткен ойын дебюттік матч болды.