«Астана» Алматыда «Қайратты» ұтып кетті
Премьер лиганың 15- турында биылғы чемпионаттың лидерлері, бітіспес қарсыластар өзара кездесіп, қазақтың эль-классикосына айналған екі мықты арасындағы бәсеке 1:2 есебімен астаналық футболшылардың пайдасына шешілді, деп хабарлайды SportX.kz.
Кездесудің алғашқы минуттарынан жинақы да ширақ қимылдаған алаң иелерінен бүгінгі матчта нәтижелі ойын күткен жанкүйерлер қатты қателесіпті. Өз кезегінде әліптің артын баққан астаналық футбол баһадүрлері, кезегін тосқандай реті келгенде алаң иелерін екі рет қапы қалдырып кетті.
Ә дегеннен алаң ортасында ойнақ салған Бауыржан Исламханның іс-әрекеті, алматылық футболшының бүгінгі ойынға нағыз бабында келгенін байқатқандай болды. Командалас әріптестерін соңынан ерткен капитанның еңбегі түбі зая кеткен жоқ. Кездесудің 30-минутында Исламбек Қуат қонақтарды ойынды ортадан бастауға мәжбүр етті. Кейіннен белгілі болғандай бұл эпизод, айналып келгенде бүгінгі матчтағы шиленістің тек алды ғана екен.Қызықтың бәрі кейін басталды.Гол соғып алға шыққан алаң иелері, мұны кеш түсінгендей. Олай дейтінміз алаң иелерін алдағы минуттарда қонақтардың үйден дайындап шыққан тактикалық қақпаны күтіп тұр екен. Бәрінен де астаналықтардың бірінші таймның соңында соққан голы, стратегиялық маңызы жағынан бүгінгі матчтағы шешуші эпизод болды десек артық айтқандық емес.Бұл ойын сәтінде Джордж Деспотович көзге түсті.
Дер кезінде таразы басын теңестірген Роман Григорчуктің шәкірттері кездесудің екінші бөлігінде өздерін еркін ұстап, рет келгенде қарсы қақпадан саңлау іздеп бақты. Осылайша өрбіген бәсекенің 88-минутында жүйкелері сыр бермеген қонақтар, өте жауапты һәм маңызды матчты өз пайдаларына шеше білді. «Астана» клубына жеңіс сыйлаған голды Қазақстан ұлттық құрамасының футболшысы Роман Мұртазаев салды.
«Қайрат» — «Астана» — 1:2
Голдар: Исламбек Қуат 30 – Джордже Деспотович 45+2, Роман Мұртазаев 88.
Ескертулер: Хуан Фелипе 54, Исламбек Қуат 63 — Дмитрий Шомко 52, Иван Маевский 54, Джордже Деспотович 90+4.
«Қайрат»: Стас Покатилов (В) — Ғафуржан Суюмбаев, Акош Элек, Шелдон Бато, Ян Вороговский (Вячеслав Швырев 90+2) — Хуан Фелипе, Исламбек Қуат, Бауыржан Исламхан (К) (Георгий Жуков 84) — Исаэль Барбоза, Иво Иличевич (Уго Сильвейра 74), Андрей Аршавин.
Қосалқы құрам: Владимир Плотников (В) — Айбол Әбікен, Нұралы Әліп, Александр Соколенко, Станислав Лунин — Магомед Парагульгов.
Бас жаттықтырушы: Карлос Феррер.
«Астана»: Ненад Эрич (В) (К) — Игорь Шитов, Евгений Постников, Марин Аничич, Дмитрий Шомко — Иван Маевский, Ласло Кляйнхайслер, Бахтиёр Зайнутдинов (Серікжан Мұжықов72) — Марин Томасов (Юрий Логвиненко 90+4), Роман Мұртазаев (Абзал Бейсебеков 90+2), Джордже Деспотович.
Қосалқы құрам: Александр Мокин (В), Станислав Павлов (В) — Сергей Малый — Юрий Перцух, Марко Станоевич — Алексей Щеткин.
Бас жаттықтырушы: Роман Григорчук.
Судьи: Бағдат Абдуллаев (Қаратау), Ғалымжан Айжигитов (Қызылорда), Сергей Калачев (Атырау)
